ఆరోగ్యము & చిట్కాలు

ముద్దు పెట్టుకుంటే కరోనా వైరస్ వస్తుందా..

కరోనా.. ఇది తాజాగా వచ్చిన వైరస్ కాబట్టి.. ఇది ఏవిధంగా వ్యాపిస్తుందనే విషయం మీద, నిపుణులకు కూడా అవగాహన తక్కువగా ఉంది. అయినప్పటికీ, వారి పరిశోధనల ప్రకారం, ఈ వైరస్ వ్యాప్తికి సంబంధించిన కొంత మార్గదర్శకత్వాన్ని మాత్రం కచ్చితంగా ఇవ్వగలరు.

కరోనా, ఈ పేరు వింటేనే ప్రపంచ దేశాలన్నీ వణికిపోతున్నాయి. కోవిడ్-19గా పేరుమార్చినా, కరోనా అన్న పేరుకే ప్రజలు ఫిక్స్ అయిపోతున్నారు. ఇది ప్రస్తుతం డేంజర్ అనే చెప్పొచ్చు. ఎందుకంటే అతి త్వరగా వ్యాప్తి చెందగల వైరస్. మానవుని జుట్టు వెడల్పులో సుమారు 900వ వంతు పరిమాణంలో ఉండే ఈ వైరస్, వ్యక్తి నుండి వ్యక్తికి వేగంగా విస్తరిస్తోంది. కరోనా వైరస్ గురించి అధికారిక లెక్కల ప్రకారం, ఇప్పటికే కనీసం 60 దేశాలలోని ప్రజలకు ఈ వైరస్ సోకింది.

వైరస్ సోకిన వ్యక్తిని దాటి వెళ్తే వైరస్ వస్తుందా..

రద్దీగా ఉన్న దారుల్లో నడుస్తున్నప్పుడు, అక్కడ ఎవరైనా వైరస్ బారినపడి ఉంటే, అప్పుడు మీకు ఆ వైరస్ సోకడానికి గల కారణాలు ఏవిధంగా ఉంటాయి? నిపుణులు సైతం ఈ కరోనా వైరస్ గురించి తెలుసుకోడానికి చాలానే ఉందని అంగీకరిస్తున్నారు. కానీ ఇక్కడ, ప్రధానంగా నాలుగు కారకాలు కీలకపాత్ర పోషిస్తాయిజ మీరు ఎంత దగ్గరగా ఉన్నారు, మీరు వైరస్ సోకిన వ్యక్తి దగ్గర ఎంతసేపు ఉన్నారు, ఆ వ్యక్తి తుంపరలు మీపై పడడం, అతనికి షేక్ హాండ్ ఇవ్వడం, ఆ తర్వాత మీముఖాన్ని తాకడం మొదలైనవన్నీ కూడా ప్రధాన కారణాలు..

వైరల్ బిందువు అంటే ఏమిటి?

ఇది వైరల్ కణాలను కలిగి ఉన్న బిందువు. వైరస్ అనేది ఒక చిన్న “కోడ్‌పెండెంట్ సూక్ష్మజీవి”. ఇది వేరే ఇతర కణానికి అతుక్కున్న తర్వాత, తనకు తానుగా పెరుగుతూ, రూపాంతరం చెంది, ఇతరులకు వ్యాప్తిచెందడం ప్రారంభిస్తుంది. ఇదే దాని స్వభావం అని కార్నెల్ యూనివర్శిటీ కాలేజ్ ఆఫ్ వెటర్నరీ మెడిసిన్ వైరాలజీ ప్రొఫెసర్ గారీ విట్టేకర్ అన్నారు.

వైరస్ కలిగిన శ్లేష్మం, లాలాజల బిందువుల కారణంగా ఇది వ్యాప్తి చెందుతుందని, వాటిని నిలువరిస్తే ఈ వైరస్ వ్యాప్తిని అరికట్టగలమని చైనీస్ యూనివర్శిటీ ఆఫ్ హాంకాంగ్, జాకీ క్లబ్ స్కూల్ ఆఫ్ పబ్లిక్ హెల్త్ అండ్ ప్రైమరీ కేర్ ప్రొఫెసర్ కిన్-ఆన్ క్వాక్ అన్నారు.

ఈ శ్లేష్మం, లాలాజల బిందువులు అనేవి, పైన చెప్పినట్లుగా దగ్గు, తుమ్ము, బిగ్గరగా నవ్వడం, పాడటం, ఊపిరి, మాట్లాడేటప్పుడు నోరు లేదా ముక్కు నుండి బయటకు వస్తుంటాయి. దగ్గరలో ఏ వస్తువూ లేదా, హ్యాండ్ కర్చీఫ్ వంటివి అడ్డుకోని పక్షంలో అవి నేలమీద పడతాయి. కానీ, అందుబాటులో ఉన్న వ్యక్తులకు లేదా జంతువులకు కూడా తాకే అవకాశం లేకపోలేదు.

మీ శరీరకణాలకు వైరస్ సోకడానికి, ఈ వైరల్ బిందువులు మీ కళ్ళు, ముక్కు లేదా నోరు ద్వారా లోనికి ప్రవేశించవలసి ఉంటుంది. తుమ్ము, దగ్గు అనేవి ఈ వైరస్ వ్యాప్తికి కూడా కారణమే. ప్రొఫెసర్ క్వాక్ ప్రకారం, ఎదురెదురు మాట్లాడటం, ఎవరితోనైనా భోజనం పంచుకోవడం వంటివి కూడా వైరస్ వ్యాప్తికి దారితీస్తుందని అన్నారు.

ఒక వ్యక్తి అనారోగ్యంతో ఉన్నారని మీకు తెలుస్తుందా?

మీరు అనారోగ్యానికి గురైనట్లయితే, అనేక లక్షణాలు కనిపిస్తాయి. జలుబు, ఫ్లూ మొదలైనవి ఉదాహారణలుగా చెప్పొచ్చు. అయినప్పటికీ, కరోనావైరస్ బారినపడిన వారు, ప్రత్యేకించిన లక్షణాలను మాత్రం చూపడం లేదని తెలుస్తోంది.

కరోనా సోకిన వ్యక్తులను గుర్తించొచ్చా..

పెరుగుతున్న కేసుల దృష్ట్యా, అనేకమందికి, ఎటువంటి లక్షణాలులేని వ్యక్తులనుండి ఈ కరోనా వైరస్ సోకినట్లు తెలుస్తూ ఉంది. క్రమంగా, కరోనా ఉన్న వ్యక్తులను గుర్తించడం కష్టతరంగా ఉందని, కానీ ప్రపంచ ఆరోగ్య సంస్థ మాత్రం, దీనిని విశ్వసించడం లేదని మిస్టర్ లిండ్మీర్ చెప్పారు.

హాంకాంగ్‌లోని బౌద్ధ దేవాలయానికి హాజరైన అనేకమంది ప్రజలు అనారోగ్యానికి గురైన తరువాత, నగరంలోని ఆరోగ్య సంరక్షణ కేంద్రం, ఆ ప్రాంతం నుండి కొన్ని నమూనాలను సేకరించింది. పరీక్షించిన బౌద్ధ గ్రంథాలమీద, రెస్ట్‌రూమ్ ఫ్యూసెట్స్, క్లాత్ కవర్ల మీద కరోనావైరస్ పాజిటివ్ గా ఉందని ఏజెన్సీ తెలిపింది.

ఉపరితలం మురికిగా, లేదా శుభ్రంగా కనిపిస్తుందా అనేది అసంబద్ధం. వైరస్ అనేది కంటికి కనిపించనిది, వ్యక్తి తుమ్ము లేదా దగ్గు కారణంగా పడిన తుంపరల ద్వారా కూడా ఉపరితలం మీద వైరస్ చేరే అవకాశాలు అధికంగా ఉన్నాయి. క్రమంగా ఈ వైరస్ శరవేగంగా వ్యాప్తి చెందగలదని చెప్పక తప్పదు..

కరోనావైరస్‌ని నాశనం చేయడం కూడా చాలా సులభమని ప్రొఫెసర్ విట్టేకర్ చెప్పారు. ఉపరితలంపై ఒక సాధారణ క్రిమిసంహారక మందును ఉపయోగించడం సూక్ష్మజీవులచుట్టూ ఉన్న సున్నితమైన పొరను విచ్ఛిన్నం చేయవచ్చు. క్రమంగా వైరస్ తగ్గుముఖం పడుతుంది.

మీ ముఖాన్ని లేదా శరీరంలోని ఇతరత్రా భాగాలను తాకేముందు కూడా మీరు మీ చేతులను శుభ్రంగా కడుక్కోవడం ముఖ్యం. ఎందుకంటే వైరల్ బిందువులు చర్మం ద్వారా కూడా లోపలికి వెళ్ళగలవు.

చైనాలో తయారైన వస్తువుని మీరు ఆర్డర్ చేసి ఉన్నట్లయితే, మీరు ఆర్డర్‌ చేసిన ఉత్పత్తికి తుమ్మిన వ్యక్తి నుండి వైరస్ వస్తుందేమోనన్న భయం అవసరం లేదు. ఎందుకంటే, అది ఇతర దేశాలకు చేరడానికి చాలా సమయం పడుతుంది. అయినా మీరు అసురక్షిత భావాలను కలిగి ఉంటే, ఆ వస్తువుల ఉపరితలంమీద క్రిమిసంహారక మందులతో శుభ్రం చేయొచ్చు, ఆ తర్వాత చేతులను కడుక్కోవచ్చు.

దగ్గుతున్న వ్యక్తితో పరిసరాల్లో ఉంటే వ్యాధి వస్తుందా..?

వైరల్ కణాలు గోడలు లేదా గాజు ద్వారా వెళ్ళగలవని ఎటువంటి ఆధారాలు లేవని హార్వర్డ్ గ్లోబల్ హెల్త్ ఇన్స్టిట్యూట్ డైరెక్టర్ డాక్టర్ ఆశిష్ కె.జా అన్నారు.

వైరస్ సోకిన పొరుగువాని, రైలింగ్‌ మీద తుమ్ము తుంపరలు ఉండవచ్చు. మీరు వాటిని తాకినట్లయితే, "ఇది మీ పొరుగువారి నుండి మీకు సంక్రమించడానికి ఎక్కువ సమయం పట్టదు. అని డాక్టర్. ఆశిష్ అన్నారు.

పెంపుడు కుక్కలను నిర్బంధించాలా..

వేలాది మంది ఇప్పటికే వివిధరకాలుగా తమను తాము వైరస్ బారిన పడకుండా, దిగ్బంధం చేసుకోవడాన్ని ప్రారంభించారు. కొన్నిప్రదేశాల్లో అధికారులచే నిర్బబంధించడం తప్పనిసరి అయింది. మరికొందరు స్వచ్ఛందంగానే ఇంటి నుండి బయటకు రాకుండా ఉన్నారు. వీరు కుక్కలను, పిల్లులను కూడా తమతో ఉంచుకోవచ్చు అని ప్రొఫెసర్ విట్టేకర్ అన్నారు.

మనుషుల నుండి పెంపుడు జంతువులకు వైరస్ సోకగలదా?

జంతువులలో, మానవులలో కరోనా వైరస్ల వ్యాప్తి గురించి అధ్యయనం చేసిన ప్రొఫెసర్ విట్టేకర్, ఒక కరోనా సోకిన వ్యక్తి కారణంగా, వారి పెంపుడు జంతువుకు ప్రమాదం ఉంటుంది అనడానికి మాత్రం ఎటువంటి ఆధారాలు కనిపించలేదని అన్నారు.

ముద్దు పెట్టుకుంటే కరోనా వైరస్ వస్తుందా..?
ముద్దు ఖచ్చితంగా వైరస్ వ్యాప్తి చేయగలదని పలువురు నిపుణులు తెలిపారు. కరోనావైరస్లు సాధారణంగా లైంగికంగా సంక్రమించనప్పటికీ, దీని గురించి అతిత్వరలోనే తెలుసుకుంటాం అని ప్రపంచ ఆరోగ్య సంస్థ తెలిపింది.
పెంపుడు కుక్కలతో వ్యాధి వస్తుందా..
వేలాది మంది ఇప్పటికే వివిధరకాలుగా తమను తాము వైరస్ బారిన పడకుండా, దిగ్బంధం చేసుకోవడాన్ని ప్రారంభించారు. కొన్నిప్రదేశాల్లో అధికారులచే నిర్బబంధించడం తప్పనిసరి అయింది. మరికొందరు స్వచ్ఛందంగానే ఇంటి నుండి బయటకు రాకుండా ఉన్నారు. వీరు కుక్కలను, పిల్లులను కూడా తమతో ఉంచుకోవచ్చు అని ప్రొఫెసర్ విట్టేకర్ అన్నారు.
హోటల్స్‌లో తింటే వ్యాధి వస్తుందా ?
అనారోగ్యంతో ఉన్న వ్యక్తి ఆహారాన్ని నిర్వహించినా, లేదా అది హై-ట్రాఫిక్ బఫే అయితే, నష్టాలను తోసిపుచ్చలేము - కాని ఆహారాన్ని వేడి చేయడం లేదా ఉడికించడం ద్వారా వైరస్ చంపబడుతుంది, అని ప్రొఫెసర్ విట్టేకర్ చెప్పారు. దీనిని డాక్టర్ జా అంగీకరించారు.
సబ్బు ద్వారా కరోనా వస్తుందా..
కచ్చితంగా లేదు...దీనిని అనేకమంది నిపుణులు ధ్రువీకరించారు.

ముద్దు పెట్టుకుంటే కరోనా వైరస్ వస్తుందా..?
ముద్దు ఖచ్చితంగా వైరస్ వ్యాప్తి చేయగలదని పలువురు నిపుణులు తెలిపారు. కరోనావైరస్లు సాధారణంగా లైంగికంగా సంక్రమించనప్పటికీ, దీని గురించి అతిత్వరలోనే తెలుసుకుంటాం అని ప్రపంచ ఆరోగ్య సంస్థ తెలిపింది.
పెంపుడు కుక్కలతో వ్యాధి వస్తుందా..
వేలాది మంది ఇప్పటికే వివిధరకాలుగా తమను తాము వైరస్ బారిన పడకుండా, దిగ్బంధం చేసుకోవడాన్ని ప్రారంభించారు. కొన్నిప్రదేశాల్లో అధికారులచే నిర్బబంధించడం తప్పనిసరి అయింది. మరికొందరు స్వచ్ఛందంగానే ఇంటి నుండి బయటకు రాకుండా ఉన్నారు. వీరు కుక్కలను, పిల్లులను కూడా తమతో ఉంచుకోవచ్చు అని ప్రొఫెసర్ విట్టేకర్ అన్నారు.
హోటల్స్‌లో తింటే వ్యాధి వస్తుందా ?
అనారోగ్యంతో ఉన్న వ్యక్తి ఆహారాన్ని నిర్వహించినా, లేదా అది హై-ట్రాఫిక్ బఫే అయితే, నష్టాలను తోసిపుచ్చలేము - కాని ఆహారాన్ని వేడి చేయడం లేదా ఉడికించడం ద్వారా వైరస్ చంపబడుతుంది, అని ప్రొఫెసర్ విట్టేకర్ చెప్పారు. దీనిని డాక్టర్ జా అంగీకరించారు.
సబ్బు ద్వారా కరోనా వస్తుందా..
కచ్చితంగా లేదు...దీనిని అనేకమంది నిపుణులు ధ్రువీకరించారు.
వ్యాధి సోకిన వారి దగ్గర ఉండొచ్చా..
ఇది ఇంకా స్పష్టంగా తెలియడం లేదు. కానీ తక్కువ సమయంలోనే ఎక్కువ ప్రమాదానికి దారితీస్తుందని మాత్రం అనేకమంది నిపుణులు అంగీకరిస్తున్నారు.

♗ అందరికి నమస్కారం... ! మీరు చూస్తున్నారు డీపీ టెక్ దునియ తెలుగు బ్లాగర్.♗